FREEDOM HOUSE. ՌՈՒՍԱՍՏԱՆԸ ԵՎ ԻՐԱՆԸ ՎՏԱՆԳԱՎՈՐ ԵՆ ԱՇԽԱՐՀԻ
ԱԶԱՏՈՒԹՅԱՆ ՀԱՄԱՐ
16-01-2008 20:05:00 | ԱՄՆ | Միջազգային
ՆՅՈՒ ՅՈՐՔ, 16 ՀՈՒՆՎԱՐԻ, ՆՈՅՅԱՆ ՏԱՊԱՆ: Վլադիմիր Պուտինի
Ռուսաստանը, որ ինքը անազատ է, օգնում եւ համակրում է էլ ավելի
պակաս ազատ բելոռուսական վարչակարգին: Ինչպես գրում է «Ուոլլ սթրիթ
ջոռնալ» թերթը, այս տվյալներն է պարունակում Freedom House
կազմակերպության «Ազատությունն աշխարհում» կոչվող 2008 թվականի
զեկույցը:
Այսպես կոչված ազատ երկրների թիվը անցած տարվա համեմատությամբ
չի փոխվել: Սակայն այդ ազատության մակարդակը, կազմակերպության
գնահատմամբ, նվազում է: Այսպես, մասնակիորեն ազատ Ղրղզստանում
կայացել են կասկածելի ընտրություններ: Անազատ Բիրմայում բռնությամբ
ճնշվել են բողոքի ցույցերը: Անազատ Ուզբեկստանում նախագահ Իսլամ
Քարիմովը կրկին դարձել է պետության ղեկավար:
Դրանից բացի, ինչպես ասվում է հաշվետվության մեջ, վերջին
տարիներին երեւան են գալիս տարածաշրջանային «երկաթե ձեռքեր», որոնք
տարածում եւ խրախուսում են բռնի մեթոդները հարեւանների մոտ:
Այդպիսի «ձեռքերին» են դասվում Ռուսաստանը, Չինաստանը,
Վենեսուելան, Իրանը, Լիբանանը եւ Սիրիան: Այս երկրները վտանգավոր
են ազատության համար աշխարհում: