ԵՐԵՎԱՆ, 14 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Գտնվել են Երեւան-Սոչի չվերթի աղետի ենթարկված Ա-320 ինքնաթիռի ուղեւորներից երեքի դիակները եւ ինը ուղեւորների մարմինների առանձին մասեր: Նույնացման փորձաքննությամբ պարզվել է զոհվածների ինքնությունը, որոնցից հինգը եղել են Երեւանի, մյուսները` Կոտայքի, Շիրակի, Արմավիրի, Տավուշի եւ Լոռու մարզերի բնակիչներ: Փորձաքննության արդյունքների մասին տեղյակ է պահվել նրանց հարազատներին: Այդ դիակները եւ մարմնի մասերը «Արմավիա» ընկերության չվերթով Երեւանի «Զվարթնոց» օդանավակայան կտեղափոխվեն, ամենայն հավանականությամբ, նոյեմբերի 15-ին: Ըստ ՀՀ Տարածքային կառավարման նախարարության, կառավարության կողմից համապատասխան հանձնարարականներ են տրվել զոհված ուղեւորների դիակները եւ մարմնի մասները նրանց հարազատներին հասցնելու համար:

---