ԵՐԵՎԱՆ, 7 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանի ֆուտբոլի
բարձրագույն խմբի առաջնությունում նոյեմբերի 7-ին տեղի ունեցավ
հետաձգված «Փյունիկ» - «Արարատ» հանդիպումը, որն ավարտվեց 4:1
հաշվով: Այդպիսով «Փյունիկը» վաստակեց 57 միավոր եւ անկախ
առաջնության վերջին փուլի արդյունքներից պահպանեց Հայաստանի
չեմպիոնի կոչումը: Սա «Փյունիկի» չեմպիոնական 7-րդ անընդմեջ եւ
ընդհանուր առմամբ 10-րդ հաղթանակն է անկախ Հայաստանի
առաջնություններում:
Մյուս հետաձգված` «Բանանց» - «Միկա», հանդիպումն ավարտվեց 0:1
հաշվով:
Վերջին` 28-րդ, փուլի հանդիպումները տեղի կունենան նոյեմբերի
10-ին, եւ հայտնի կդառնան առաջնության մյուս երկու
մրցանակակիրները: