ՎԱՐՇԱՎԱ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Լեհաստանի նախկին նախագահ, Խաղաղության Նոբելյան մրցանակի դափնեկիր Լեխ Վալենսան կարող է դառնալ Լեհաստանի նոր դեսպանը ԱՄՆ-ում, հաղորդում է լեհական «Մետրո» թերթը: Այսպիսի առաջարկություն է Վալենսային արել Լեհաստանի ապագա նոր վարչապետ Դոնալդ Տուսկը: «Դա ճիշտ է, ես առաջարկ ստացել եմ Տուսկից: Դրան ոգեւորությամբ եմ վերաբերվում, միշտ երազել եմ լինել պատվավոր հյուպատոսի պես մի բան: Ուզում եմ օգնել լեհական կառավարությանը, բայց մինչ օրս ոչ ոք չի ցանկացել օգտագործել իմ գիտելիքներն ու փորձը»,- ասել է Վալենսան: Լեհ վերլուծաբանները արդեն գովաբանում են Տուսկի այդ գաղափարը, քանի որ Վալենսան, նրանց կարծիքով, իրոք կարող է օգնել ուղղելու Լեհաստանի ծաղրական կերպարն արտասահմանում:

---