ՀԱՅԱՍՏԱՆԻ ՄԻՆՉԵՎ 19 ՏԱՐԵԿԱՆ ՖՈՒՏԲՈԼԻՍՏՆԵՐԻ ՀԱՎԱՔԱԿԱՆԸ ԱՆՑԱՎ
ԵՎՐՈՊԱՅԻ ԱՌԱՋՆՈՒԹՅԱՆ 2-ՐԴ ՓՈՒԼ
26-10-2007 13:55:00 | Լիտվա | Սպորտ
ԿԱՈՒՆԱՍ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Կաունասում (Լիտվա)
անցկացվող Եվրոպայի մինչեւ 19 տարեկան ֆուտբոլիստների առաջնության
որակավորման փուլի խմբային մրցաշարի հոկտեմբերի 25-ին կայացած իր
վերջին խաղում Հայաստանի հավաքականը ոչ-ոքի (0:0) արեց Լեհաստանի
ընտրանու հետ: Լիտվայի, Հայաստանի եւ Լեհաստանի հավաքականները
վաստակեցին հավասար` 5-ական միավոր: Բայց միմյանց հետ
հանդիպումներում ավելի շատ` 3, գոլ են իրենց հաշվին գրանցել
լիտվացիները, որոնք եւ դարձան հաղթողներ: 2 գոլով 2-րդ տեղը գրավեց
Հայաստանի հավաքականը, որը նույնպես անցավ 2-րդ փուլ: