ԵՐԵՎԱՆ, 11 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 11-ի արտահերթ նիստում ՀՀ Ազգային Ժողովը առաջին ընթերցմամբ ընդունեց «Նվազագույն ամսական աշխատավարձի մասին» գործող օրենքում փոփոխություններ կատարելու վերաբերյալ օրինագիծը: Ըստ այդմ, կառավարությունը, մասնավորապես, առաջարկում է համաձայն ՀՀ 2008-2010թթ.-ի պետական միջնաժամկետ ծախսերի ծրագրի 2008թ.-ի հունվարի 1-ից նվազագույն ամսական աշխատավարձը սահմանել 25 հազար դրամ (մոտ 73,5 ԱՄՆ դոլար)` ներկայիս 20 հազար դրամի փոխարեն: Դրա հետ կապված առաջին ընթերցմամբ ընդունվեց նաեւ «Եկամտահարկի մասին» փոփոխություն նախատեսող օրինագիծը, որով հարկման ենթակա եկամուտների նվազագույն շեմը սահմանվում է 25 հազար դրամ:

---