ՄԵԽԻԿՈ, 1 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մեխիկոյում սեպտեմբերի
30-ին ավարտվեց շախմատի աշխարհի առաջնության եզրափակիչը: 14
հնարավորից 9 միավոր վաստակեց եւ աշխարհի չեմպիոնի կոչումը նվաճեց
Վիշվանաթան Անանդը (Հնդկաստան): 8-ական միավորով եւ գործակիցների
հաշվարկով 2-րդ, 3-րդ տեղերն զբաղեցրին Կրամնիկը եւ Գելֆանդը:
Նրանց հաջորդում են Լեկոն` 7 միավոր, Սվիդլերը` 6,5 միավոր,
Մորոզեւիչը եւ Արոնյանը` 6-ական միավոր, Գրիշչուկը` 5,5 միավոր:
Լ.Արոնյանը դեկտեմբերին կմասնակցի Խանտի Մանսիյսկում
անցկացվելիք աշխարհի գավաթի խաղարկությանը: