ԱՅՍ ՏԱՐԻ ՀԱՅԱՍՏԱՆԸ ԱՌԱՋԻՆ ԱՆԳԱՄ ԿՄԱՍՆԱԿՑԻ «ՄԱՆԿԱԿԱՆ
ԵՎՐՈՏԵՍԻԼ» ՄՐՑՈՒՅԹԻՆ
28-09-2007 16:40:00 | Հայաստան | Մշակույթ
ԵՐԵՎԱՆ, 28 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Այս տարի «Մանկական
Եվրոտեսիլ» մրցույթին առաջին անգամ կմասնակցի նաեւ Հայաստանը, որը
կներկայացնի Հանրային հեռուստատեսության եւ ռադիոյի «Արեւիկ»
մանկապատանեկան անսամբլը: Մրցույթին «Արեւիկի» կատարմամբ կհնչի
Մարիաննա Ջավախյանի «Երազանք» երգը: Ինչպես «ՆՈՅՅԱՆ ՏԱՊԱՆ»-ի
թղթակցին հայտնեց անսամբլի վոկալի մասնագետ Արփինե Հովհաննիսյանը,
մրցույթի կապակցությամբ շուտով երգի հիման վրա կնկարահանվի
տեսահոլովակ:
Ա.Հովհաննիսյանը նշեց, որ անսամբլի ելույթը կուղեկցվի «Նանե»
շոու-բալետային խմբի պարով: Մրցույթին կմասնակցեն «Արեւիկ»-ի 10-15
տարեկան 8 երգիչները, այդ թվում 3-ը` մենակատարներ:
Նշենք, որ «Մանկական Եվրոտեսիլ - 2007» մրցույթը տեղի է
ունենալու դեկտեմբերի 8-ին Ռոտերդամում: Մրցույթին կմասնակցեն 17
երկրների ներկայացուցիչներ: