ՓԱՐԻԶԸ ԻՐԱՆԻ ԴԵՄ ՌԱԶՄԱԿԱՆ ԾՐԱԳԻՐ ՉԻ ՊԱՏՐԱՍՏՈՒՄ,-
ՀԱՅՏԱՐԱՐՈՒՄ Է ՖՐԱՆՍԻԱՅԻ ՊԱՇՏՊԱՆՈՒԹՅԱՆ ՆԱԽԱՐԱՐԸ
19-09-2007 15:35:00 | Ֆրանսիա | Միջազգային
ՓԱՐԻԶ, 19 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Փարիզը իրանական
միջուկային ծրագրի հետ կապված ռազմական որեւէ ծրագիր չի
պատրաստում: Այս մասին հայտարարել է Ֆրանսիայի պաշտպանության
նախարար Էրվե Մորենը:
«Ոչ ոք վայրկյան անգամ չի կարող մտածել, որ մենք ռազմական
ծրագրեր ենք մտմտում Իրանի առնչությամբ»,- նշել է Մորենը: Նրա
կարծիքով, այդ թեմայով շահարկելը «նշանակում է տրվել
ֆանտազիաների»:
Հիշեցնենք, որ սեպտեմբերի 16-ին Ֆրանսիայի ԱԳՆ ղեկավար Բեռնար
Կուշները հայտարարել էր, որ աշխարհը պետք է «պատրաստվի վատթարին,
իսկ վատթարը պատերազմն է Իրանի հետ»: