ԳՅՈՒՄՐԻ, 10 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 9-ին Գյումրիում անցկացվեց Եվրոպայի ռեկորդակիր Ռոբերտ Էմմիյանի անվան գավաթի 6-րդ միջազգային խաղարկությունը, որին մասնակցեցին Ռուսաստանի, Ուկրաինայի, Իրանի, Իսրայելի եւ Հայաստանի հեռացատկորդները: Կանանց պայքարում առաջին եռյակը կազմեցին ռուսաստանցիներ նատալյա Լեբուսեւան (677 սմ), Օքսանա Ժուկովսկայան (677 սմ), Աննա Բոգդանովան (646 սմ): Տղամարդկանց մրցումներում հաղթող ճանաչվեց Ալեքսանդր Յաշինը (774 սմ, Ռուսաստան): Նրան հաջորդեցին Մուհամմադ Արզանդեն (771 սմ, Իրան) եւ Եխայ Հալեվին (762 սմ, Իսրայել):

---