ԵՐԵՎԱՆ, 7 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 13-17-ին Ռիո դե Ժանեյրոյում կանցկացվի ձյուդոյի աշխարհի առաջնությունը: Հայաստանի ազգային հավաքականը մրցավայր կմեկնի սեպտեմբերի 8-ին: Հայաստանի հավաքականի կազմում ընդգրկված են Հովհաննես Դավթյանը (60 կգ, Գյումրի), Արմեն Նազարյանը (66 կգ, Հրազդան), Խաչիկ Առաքելյանը (73 կգ, Արմավիր), Արմեն Իսպիրյանը (81 կգ, Երեւան) եւ Անուշ Հակոբյանը (52 կգ, Նոր Հաճն):

---