ԵՐԵՎԱՆ, 27 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 26-ին Երեւանում
ավարտվեցին Համահայկական 4-րդ խաղերը: Բասկետբոլի, վոլեյբոլի եւ
ֆուտզալի մրցումներում հաղթեցին Երեւանի թիմերը: Ֆուտբոլի
մրցաշարում առաջինը ճանաչվեց Ստեփանակերտի թիմը: Խաղերի չեմպիոն
դարձան շախմատիստներ Գոռ Վիրաբյանը (Նոր Հաճն) եւ Դիանա
Մնացականյանը (Աբովյան), սեղանի թենիսիստներ Մուրադ Սարգսյանը
(Գյումրի), Աննա Պողոսյանը (Երեւան), Հասմիկ Մաթեւոսյան - Տաթեւ
Ենգիբարյան (Երեւան) եւ Ալեքսանդր Դիարյան (Ստեփանակերտ) - Արշակ
Հարությունյան (Երեւան) երկյակները:
Թենիսի տղամարդկանց մրցաշարում անգերազանցելի էին Հովհաննես
Դավթյանը (մենախաղեր, Երեւան) եւ Հարություն Սարինգուլյան - Հենրիկ
Նիկողոսյան, Լուսինե Դավթյան - Անի Ամիրաղյան զույգերը (բոլորն էլ
Երեւան):
Նվաճած մեդալների քանակով բացահայտ առաջտարը երեւանցի
մարզիկներն են` 36 ոսկե, 22 արծաթե եւ 19 բրոնզե պարգեւ:
Խաղերի գեղեցկուհի ճանաչվեց Գայանե Թունյանը (Երեւան, թենիս):
«Արդարացի խաղ» մրցանակը հանձնվեց Լոս Անջելեսի վոլեյբոլի թիմին:
Սփյուռքի լավագույն մարզական պատվիրակություն ճանաչվեց Ստամբուլի
թիմը: «Մարզական ոգի եւ համբերություն» մրցանակը հանձնվեց Կահիրեի
տղամարդկանց բասկետբոլի թիմին:
Համահայկական խաղերի համաշխարհային կոմիտեի «Պատվո նշան»
շքանշանով պարգեւատրվեց ՀՀ վարչապետ Սերժ Սարգսյանը:
Խաղերի փակման արարողությունը տեղի ունեցավ օգոստոսի 26-ին
Ալ.Սպենդիարյանի անվան օպերայի եւ բալետի պետական ակադեմիական
թատրոնում: Պաշտոնական արարողությունից հետո Ազատության
հրապարակում կազմակերպվեց ճոխ համերգ:
5-րդ Համահայկական խաղերը տեղի կունենան 4 տարի հետո` 2011
թվականին: