ԵՐԵՎԱՆ, 15 ՕԳՈՍՏՈՍԻ, ՆՈՅՅԱՆ ՏԱՊԱՆ: «Բանանցի» գլխավոր մարզիչ, չեխ Յան Պոշտուլկան եւ նրա օգնական Ալբերտ Սարգսյանը ազատվել են աշխատանքից: Պատճառը «Բանանցի» անհաջող ելույթներն են Եվրոգավաթի խաղարկությունում: Այժմ «Բանանցը» ժամանակավորապես ղեկավարում է Աշոտ Բարսեղյանը: Հավանաբար, «Բանանցը» կգլխավորի բուլղարացի 45-ամյա Նիկոլայ Կոստովը: Վերջինս մի քանի օրից կժամանի Երեւան, եւ կքննարկվեն կնքվելիք պայմանագրի հետ կապված հարցերը:

---