ԱՀԱԲԵԿՉԱԿԱՆ ՀԱՐՁԱԿՈՒՄ ԵԶԴԻԱԲՆԱԿ ՇՐՋԱՆՈՒՄ. ԿԱՆ ՀԱՐՅՈՒՐԱՎՈՐ
ԶՈՀԵՐ ԵՎ ՎԻՐԱՎՈՐՆԵՐ
15-08-2007 12:35:00 | Իրաք | Միջազգային
ՔԱՀԹԱՆԻՅԵ, 15 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 14-ին Իրաքի
հյուսիսային հատվածում` Քահթանիյե եզդիաբնակ քաղաքում, մահապարտ
ահաբեկիչների իրականացրած 4 պայթյունների հետեւանքով զոհվել է
ավելի քան 175 եւ վիրավորվել մոտ 200 մարդ: Այս ամսին հաղորդել է
իրաքյան բանակի ներկայացուցիչը:
Ականապատ բենզատարները եզդիաբնակ քաղաքում պայթեցվել են գրեթե
միաժամանակ, ինչի հետեւանքով ավերվել է մոտ 30 տուն: Ենթադրվում է,
որ պայթյունների ետեւում կանգնած է «Ալ Ղաիդա» միջազգային
ահաբեկչական կազմակերպությունը:
Նշվում է, որ սա 4 տարի շարունակվող իրաքյան պատերազմի
ընթացքում գրանցված ամենաարյունալի ահաբեկչական գործողությունն է: