ԵՐԵՎԱՆ, 13 ՕԳՈՍՏՈՍԻ, ՆՈՅՅԱՆ ՏԱՊԱՆ: 2007թ.-ի հունվար-հունիսին Հայաստանում իրականացվել է 171 մլրդ 420,6 մլն դրամի (մոտ 490 մլն ԱՄՆ դոլար) շինարարություն, այդ թվում արտադրական նշանակության օբյեկտների գծով` 73 մլրդ 386,8 մլն դրամի: Իրականացված շինարարության ընդհանուր ծավալում շինմոնտաժային աշխատանքները կազմել են 149 մլրդ 841,3 մլն դրամ, որոնցից արտադրական նշանակության օբյեկտների գծով` 56 մլրդ 200,1 մլն դրամ: ՀՀ Ազգային վիճակագրական ծառայության տվյալներով, 2007թ.-ի հունվար-հունիսին իրականացված շինարարության ծավալը 2006թ.-ի նույն ժամանակահատվածի համեմատ աճել է 17,2%-ով, այդ թվում` շինմոնտաժային աշխատանքներինը` 20,1%-ով: 2007թ.-ի հունվար-հունիսին շինարարության 49,1%-ն իրականացվել է բնակչության, իսկ մնացածը` կազմակերպությունների միջոցների հաշվին:

---