ՆՅՈՒ ՅՈՐՔ, 7 ՕԳՈՍՏՈՍԻ, ՆՈՅՅԱՆ ՏԱՊԱՆ: Ամերիկյան իշխանությունները վիզաների հետ կապված խարդախության կասկածանքով ձերբակալել են ՄԱԿ-ի քարտուղարության ռուս թարգմանիչ Վյաչեսլավ Մանոխինին: Վերջինս մեղադրվում է օտարերկրացիների մուտքը ԱՄՆ ապահովելու նպատակով ՄԱԿ-ի բլանկները օգտագործելու համար: Ըստ տեղեկությունների, ձերբակալվել է նաեւ Վյաչեսլավ Մանոխինի հանցակիցը, որը մեղադրվում է միգրացիոն կեղծ փաստաթղթեր պատրաստելու նպատակով ռուս թարգմանչի հետ համաձայնության գալու մեջ: Կա նաեւ մեկ այլ ձերբակալված. Կամիլջան Տուրսունովը մեղադրվում է 15 հազար դոլարով կեղծ վիզայի ձեռքբերման համար: Նշվում է, որ ձերբակալված թարգմանիչը կարող է ազատ արձակվել 300 հազար, իսկ նրա գործընկերը` 250 հազար ԱՄՆ դոլար գրավի դիմաց: Վյաչեսլավ Մանոխինը զրկվել է դիվանագիտական անձեռնամխելիությունից: Սակայն այդ մասին նախապես չէր տեղեկացվել ՄԱԿ-ում Ռուսաստանի մշտական ներկայացուցչությանը:

---