ԳՅՈՒՄՐԻԻ ՊԵՏԱԿԱՆ ԴՐԱՄԱՏԻԿԱԿԱՆ ԹԱՏՐՈՆՈՒՄ ԿԲԱՑՎԻ ՄՀԵՐ
ՄԿՐՏՉՅԱՆԻ ԱՆՎԱՆ ԴԱՀԼԻՃ
04-07-2007 21:30:00 | Հայաստան | Մշակույթ
ԵՐԵՎԱՆ, 4 ՀՈՒԼԻՍԻ, ՆՈՅՅԱՆ ՏԱՊԱՆ: Գյումրիի Վ.Աճեմյանի անվան
պետական դրամատիկական թատրոնում 2008թ.-ի սկզբին բացվելու է Մհեր
Մկրտչյանի անվան դահլիճ, որտեղ կներկայացվեն ինչպես մեծ արտիստի
բեմադրած, այնպես էլ նոր ներկայացումներ: Ինչպես «ՆՈՅՅԱՆ ՏԱՊԱՆ»-ի
թղթակցին հայտնեց թատրոնի տնօրեն Էդուարդ Պողոսյանը, աշխատանքները,
որոնց համար գործարար Վահագն Հովնանյանը տրամադրել է 25 հազար ԱՄՆ
դոլար, կավարտվեն այս տարեվերջին: Ըստ Է.Պողոսյանի, դա այն
փորձասենյակն է, որտեղ 1972 թ.-ին Մ.Մկրտչյանը խաղաց իր առաջին
դերը` Բաղդասար ախպարը:
Է.Պողոսյանի համոզմամբ, հանդիսատեսը «հոգնել է» վաղանցիկ
շոուներից եւ կրկին վերադառնում է թատրոն. «Թատրոնը նման է սեւ
կոստյումի, որը միշտ նորաձեւ է»,- նշեց նա: