ՀԱՅԱՍՏԱՆԻ ՀԵԾԱՆՎՈՐԴՆԵՐ ՏԻԳՐԱՆՆ ԿՈՐԿՈՏՅԱՆԸ ԵՎ ԱՐԱՄ ԲԵԼԱԼՅԱՆԸ
ՄՏԱՆ ԱՇԽԱՐՀԻ «Բ» ԽՄԲԻ ԱՌԱՋՆՈՒԹՅԱՆ ԵԶՐԱՓԱԿԻՉ
28-06-2007 16:00:00 | ՀԱՀ | Սպորտ
ՔԵՅՓԹԱՈՒՆ, 28 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 27-ին
Հարավ-աֆրիկյան Հանրապետության Քեյփթաուն քաղաքում անցկացվեց
աշխարհի «Բ» խմբի առաջնության հրապարակային հեծանվավազքի խմբային
մրցաշարը: Նախնական փուլերում հաղթեցին եւ եզրափակիչ մտան
Հայաստանի 2 ներկայացուցիչներ: 24 ուժեղագույնների պայքարում
Տիգրան Կորկոտյանը 15 կմ վազքում զարգացրեց 40,733 կմ/ժ
արագություն եւ գրավեց 5-րդ տեղը: Արամ Բելալյանը 12-րդն էր, իսկ
Վազգեն Ղուլիջանյանը եզրափակիչ չհասավ:
Հուլիսի 1-ին մրցաշարի մասնակիցները հանդես կգան խճուղային
հեծանվավազքում: Մեկնարկի կելնեն նաեւ Հայաստանի 3 հեծանվորդները: