ԵԿԱՏԵՐԻՆԲՈՒՐԳ, 14 ՄԱՅԻՍԻ, ՆՈՅՅԱՆ ՏԱՊԱՆ: ՌԴ-ի Եկատերինբուրգ քաղաքում մայիսի 13-ին ավարտվեց բռնցքամարտի միջազգային մրցաշարը: Հայաստանի երիտասարդական հավաքականի անդամներ Արթուր Գրիգորյանը (51 կգ, Երեւան), Սամվել Արսենյանը (54 կգ, Սեւան) եւ Միքայել Օհանյանը (64 կգ, Երեւան) գրավեցին 2-րդ տեղը: Վերջինը նաեւ արժանացավ «Հաղթանակի կամքի համար» հատուկ մրցանակին: Սերգեյ Ղարիբյանը (57 կգ, Զովունի), Արա Պուլուզյանը (60 կգ, Էջմիածին) եւ Տիգրան Միսակյանը (54 կգ, Վանաձոր) բավարարվեցին 3-րդ մրցանակային տեղով:

---