ԱՐՈՆՅԱՆ-ԿՐԱՄՆԻԿ ԱՐԱԳ ՇԱԽՄԱՏԻ ԵՐԵՎԱՆՅԱՆ ՄՐՑԱՄԱՐՏԸ ԱՎԱՐՏՎԵՑ
ՀԱՅ ԳՐՈՍՄԱՅՍՏԵՐԻ ՀԱՂԹԱՆԱԿՈՎ
07-05-2007 19:00:00 | Հայաստան | Սպորտ
ԵՐԵՎԱՆ, 7 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 6-ին Երեւանում
ավարտվեց Լեւոն Արոնյան - Վլադիմիր Կրամնիկ արագ շախմատի
մրցամարտը, որ 4:2 հաշվով շահեց հայ գրոսմայստերը:
Ալ.Սպենդիարյանի անվան օպերայի եւ բալետի պետական ակադեմիական
թատրոնում մրցամարտի վերջին` 6-րդ, պարտիայի ընթացքին հետեւում էին
նաեւ ՀՀ նախագահ Ռոբերտ Քոչարյանը եւ Հայաստանի շախմատի
ֆեդերացիայի նախագահ, ՀՀ վարչապետ Սերժ Սարգսյանը:
Մրցամարտի ավարտին հաջորդած ասուլիսում Վ.Կրամնիկը նշեց, որ
Լ.Արոնյանը հիանալի մարզավիճակում է գտնվում եւ գերազանց խաղ ցույց
տվեց պարտիաների վերջնամասում: Իսկ Լ.Արոնյանը շնորհակալություն
հայտնեց իր մրցակցին` վարպետ խաղի համար, եւ իրեն աջակցած բոլոր
մարզասերներին: