ԵՐԵՎԱՆ, 2 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 1-ին տեղի ունեցան Հայաստանի ֆուտբոլի գավաթի խաղարկության կիսաեզրափակիչի պատասխան հանդիպումները: «Փյունիկ» - «Արարատ» եւ «Միկա» - «Բանանց» զույգերի հանդիպումներն ավարտվեցին միեւնույն` 1:1, հաշվով: Այսպիսով եզրափակիչ դուրս եկան «Արարատը» եւ «Բանանցը», որոնք հաղթել էին կիսաեզրափակչի 1-ին խաղերում («Արարատը» 1:0 հաշվով «Փյունիկին», իսկ «Բանանցը» նույն հաշվով «Միկային»): Մայիսի 9-ին Հանրապետական մարզադաշտում (ժամը 20:00-ին) Հայաստանի գավաթի խաղարկության եզրափակիչում կհանդիպեն «Բանանցը» եւ «Արարատը»:

---