ՄԵԼԻՆԵ ԴԱԼՈՒԶՅԱՆԸ ԵՎՐՈՊԱՅԻ ԾԱՆՐԱՄԱՐՏԻ ԱՌԱՋՆՈՒԹՅՈՒՆՈՒՄ
ՆՎԱՃԵՑ ՉԵՄՊԻՈՆՈՒՀՈՒ ԿՈՉՈՒՄԸ
19-04-2007 15:32:00 | Ֆրանսիա | Սպորտ
ՍՏՐԱՍԲՈՒՐԳ, 19 ԱՊՐԻԼԻ, ՆՈՅՅԱՆ ՏԱՊԱՆ: Ֆրանսիայի Ստրասբուրգ
քաղաքում անցկացվող Եվրոպայի ծանրամարտի առաջնության կանանց
մրցաշարում 63 կգ քաշային կարգում հաղթող է ճանաչվել եւ չեմպիոնի
ոսկե մեդալին արժանացել Մելինե Դալուզյանը (Գյումրի) (պոկում` 108
կգ, հրում 135 կգ, երկամարտ` 243 կգ): Մ.Դալուզյանը սահմանել է
Հայաստանի 3 նոր ռեկորդ:
Տղամարդկանց պայքարում 62 կգ քաշային կարգում Հայաստանի
ներկայացուցիչ Արսեն Թամրազյանը (Գյումրի) երկամարտի 271 կգ
արդյունքով (121+150=271 կգ) գրավել է 14-րդ տեղը: Իսկ չեմպիոն է
դարձել Ռուսաստանի հայազգի ներկայացուցիչ, 19-ամյա Սերգեյ
Պետրոսյանը (130+159=289կգ):