ԵՎՐՈՊԱՅԻ ՇԱԽՄԱՏԻ ԱՆՀԱՏԱԿԱՆ ԱՌԱՋՆՈՒԹՅՈՒՆՈՒՄ ՀԱՅԱՍՏԱՆԻ
ՇԱԽՄԱՏԻՍՏՆԵՐԸ ԱՆՄԱՍՆ ՄՆԱՑԻՆ ԱՇԽԱՐՀԻ ԳԱՎԱԹԻ ԽԱՂԱՐԿՈՒԹՅԱՆ
ՈՒՂԵԳՐԵՐԻՑ
16-04-2007 17:58:00 | Գերմանիա | Սպորտ
ԴՐԵԶԴԵՆ, 16 ԱՊՐԻԼԻ, ՆՈՅՅԱՆ ՏԱՊԱՆ: Դրեզդենում ապրիլի 15-ին
ավարտվեց Եվրոպայի շախմատի անհատական առաջնությունը:
Տղամարդկանց մրցաշարում 7 մասնակիցներ 11 հնարավորից
վաստակեցին 8-ական միավոր եւ բաժանեցին 1-7-րդ տեղերը: Հայաստանի
ներկայացուցիչներից Տիգրան Լ. Պետրոսյանը, Արտաշես Մինասյանը,
Տիգրան Քոթանջյանը 7-ական միավորով զբաղեցրին, համապատասխանաբար,
45-րդ, 48-րդ եւ 127-րդ տեղերը: 6-ական միավոր վաստակեցին Զավեն
Անդրիասյանը, Գաբրիել Սարգսյանը, Աշոտ Անաստասյանը, 6-ական`
Ռաֆայել Վահանյանը, Կարեն Ասրյանը եւ Արման Փաշիկյանը:
Կանանց մրցշարում 11 հնարավորից 10 միավորով միանձնյա հաղթող
ճանաչվեց Տատյանա Կոզինցեւան (Ռուսաստան): Հայաստանի
ներկայացուցիչներից Էլինա Դանիելյանը 7 միավորով զբաղեցրեց 20-րդ,
Լիլիթ Մկրտչյանը 6,5-ով` 43-րդ, Սիրանուշ Անդրիասյանը 5,5-ով`
74-րդ տեղը:
Եվրոպայի առաջնությանը մասնակցեցին 403 տղամարդ եւ 150 կին
շախմատիստներ: Խաղարկվում էին տարեվերջին Խանտի Մանսիյսկում
կայանալիք աշխարհի գավաթի մասնակցության տղամարդկանց 33 եւ կանանց
13 ուղեգրեր, որոնցից Հայաստանի ներկայացուցիչները անմասն մնացին: