ՀԱՅԱՍՏԱՆԻ ԵՎ ԱԴՐԲԵՋԱՆԻ ՖՈՒՏԲՈԼԻ ԱԶԳԱՅԻՆ ՀԱՎԱՔԱԿԱՆՆԵՐԻ
ՄՐՑԱՎԱՅՐԻ ՀԱՐՑԸ ԿԼՈՒԾԻ ՈՒԵՖԱ-Ի ԿՈՆԳՐԵՍԸ
12-04-2007 15:18:00 | Շվեյցարիա | Սպորտ
ԼՈԶԱՆ, 12 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 12-ին Լոզանում
Ուեֆա-ի շտաբ-բնակարանում Եվրոպայի ֆուտբոլի միության ղեկավարները
կընդունեն Հայաստանի եւ Ադրբեջանի ֆուտբոլի ֆեդերացիաների
ներկայացուցիչներին: Հայաստանից հանդիպմանը կմասնակցեն ՀՖՖ-ի
նախագահ Ռուբեն Հայրապետյանը եւ գործադիր տնօրեն Արման Մինասյանը:
Հանդիպմանը կքննարկվի «Եվրո-2008»-ի ընտրական փուլի «Ա»
խմբում ընդգրկված Հայաստանի եւ Ադրբեջանի ֆուտբոլի ազգային
հավաքականների հանդիպումների մրցավայրի հարցը: Անկախ կողմերի
ընդունելիք որոշումից, հարցին վերջնական լուծում կտա ապրիլի 18-ին
Ուելսի Կարդիֆ քաղաքում կայանալիք ՈւԵՖԱ-ի կոնգրեսը: