ԵՎՐՈՊԱՅԻ ՇԱԽՄԱՏԻ ԱՆՀԱՏԱԿԱՆ ԱՌԱՋՆՈՒԹՅՈՒՆՈՒՄ ՀԱՅԱՍՏԱՆԻ
ՆԵՐԿԱՅԱՑՈՒՑԻՉՆԵՐԻՑ ԱՌԱՋԱՏԱՐՆԵՐԻ ԽՄԲՈՒՄ Է ՄԻԱՅՆ ԷԼԻՆԱ ԴԱՆԻԵԼՅԱՆԸ
12-04-2007 15:14:00 | Հայաստան | Սպորտ
ԴՐԵԶԴԵՆ, 12 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 11-ին Դրեզդենում
անցկացվող Եվրոպայի շախմատի անհատական առաջնությունում կայացան
8-րդ փուլի հանդիպումները:
Տղամարդկանց մրցաշարում 8 հնարավորից 6,5 միավորով առաջատարն
է Անդրեյ Վոլոկիտինը (Ուկրաինա): 12 մասնակիցներ ունեն 6-ական
միավոր: Հայաստանի ներկայացուցիչներից Տիգրան Լ. Պետրոսյանը
5,5-ական միավորով 27-րդն է, իսկ Արտաշես Մինասյանը` 33-րդը: Զավեն
Անդրիասյանը 5 միավորով 80-րդ տեղն է զբաղեցնում: 4,5-ական միավոր
ունեն Գաբրիել Սարգսյանը, Արման Փաշիկյանը, Տիգրան Քոթանջյանը եւ
Աշոտ Անաստասյանը: Ռաֆայել Վահանյանը եւ Կարեն Ասրյանը վաստակել են
4-ական միավոր:
Կանանց մրցաշարում 7,5 միավորով միանձնյա առաջատար է Տատյանա
Կոզինցեւան (Ռուսաստան): 7 շախմատիստներ, նրանց թվում նաեւ Էլինա
Դանիելյանը, ունեն 6-ական միավոր: Լիլիթ Մկրտչյանը 4,5 միավորով
54-րդն է, իսկ Սիրանուշ Անդրիասյանը 4 միավորով 78-րդը: