ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ ԳՐՈՍՄԱՅՍՏԵՐ ԷԼԻՆԱ ԴԱՆԻԵԼՅԱՆԸ
ԶԲԱՂԵՑՆՈՒՄ Է ՄՐՑԱՇԱՐԱՅԻՆ ԱՂՅՈՒՍԱԿԻ 4-ՐԴ ՀՈՐԻԶՈՆԱԿԱՆԸ
09-04-2007 18:12:00 | Գերմանիա | Սպորտ
ԴՐԵԶԴԵՆ, 9 ԱՊՐԻԼԻ, ՆՈՅՅԱՆ ՏԱՊԱՆ: Գերմանիայի Դրեզդեն
քաղաքում Եվրոպայի շախմատի անհատական առաջնությունում ապրիլի 8-ին
կայացան 6-րդ փուլի հանդիպումները:
Տղամարդկանց մրցաշարում 5 մասնակիցներ 6 հնարավորից 5-ական
միավորով կազմում են առաջատար խումբը: Հայաստանի պատվիրակներ
Արտաշես Մինասյանը, Տիգրան Լ. Պետրոսյանը, Ռաֆայել Վահանյանը եւ
Արման Փաշիկյանը 4-ական միավորով բաժանում են 37-102-րդ տեղերը:
Իսկ Գաբրիել Սարգսյանը եւ Կարեն Ասրյանը ունեն 3,5-ական, Զավեն
Անդրիասյանը եւ Տիգրան Քոթանջյանը` 3-ական, Աշոտ Անաստասյանը` 2,5
միավոր:
Կանանց պայքարում միանձնյա առաջատարն է Տատյանա Կոզինցեւան
(Ռուսաստան): Նա 6 հնարավորից ունի 6 միավոր: Հայաստանի
շախմատիստուհիներից Էլինա Դանիելյանը 4,5 միավորով 4-րդ տեղում է:
Լիլիթ Մկրտչյանը եւ Սիրանուշ Անդրիասյանը վաստակել են 3-ական
միավոր: