ՀԱՅԱՍՏԱՆԻ 12 ՈՒԺԵՂԱԳՈՒՅՆ ՇԱԽՄԱՏԻՍՏՆԵՐ ԿՄԱՍՆԱԿՑԵՆ ԴՐԵԶԴԵՆՈՒՄ
ԱՊՐԻԼԻ 3-ԻՆ ՄԵԿՆԱՐԿԵԼԻՔ ԵՎՐՈՊԱՅԻ ԱՆՀԱՏԱԿԱՆ ԱՌԱՋՆՈՒԹՅԱՆԸ
02-04-2007 17:56:00 | Հայաստան | Սպորտ
ԵՐԵՎԱՆ, 2 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 1-ին Դրեզդեն
մեկնեցին Հայաստանի տղամարդկանց եւ կանանց շախմատի հավաքականները`
մասնակցելու Եվրոպայի անհատական առաջնությանը: Հայաստանի
հավաքականներում ընդգրկված են 9 տղամարդ (Կարեն Ասրյան, Գաբրիել
Սագսյան, Ռաֆայել Վահանյան, Աշոտ Անաստասյան, Արտաշես Մինասյան,
Տիգրան Լ. Պետրոսյան, Արման Փաշիկյան, Տիգրան Քոթանջյան, Զավեն
Անդրիասյան) եւ 3 կին (Լիլիթ Մկրտչյան, Էլինա Դանիելյան, Սիրանուշ
Անդրիասյան):
Առաջնությունը կմեկնարկի ապրիլի 3-ին, իսկ վերջին` 11-րդ,
փուլի հանդիպումները տեղի կունենան ապրիլի 16-ին:
Առաջնությունը ընտրական բնույթ է կրում: Տղամարդկանց 33 եւ
կանանց 13 առաջատարները տարեվերջին կմասնակցեն Խանտի Մանսիյսկում
անցկացվելիք նոկաուտ մրցակարգով աշխարհի առաջնությանը: