ԿԻԵՎ, 27 ՄԱՐՏԻ, ՆՈՅՅԱՆ ՏԱՊԱՆ: Կիեւում մարտի 25-ին ավարտվեց «Դերյուգինայի գավաթ» գեղարվեստական մարմնամարզության ավանդական միջազգային մրցաշարը, որին մասնակցեցին 41 երկրների պատվիրակներ: Երիտասարդական ծրագրով Հայաստանը ներկայացրած Նաիրա Մինասյանը 33 մասնակիցների մեջ 22-րդն էր, իսկ Ինեսա Սիմոնյանը` 24-րդը: 2 մարզուհիներն էլ Գյումրի քաղաքից են, մարզվում են Անուշ Սիմոնյանի ղեկավարությամբ եւ առաջին անգամն էին մասնակցում միջազգային մրցաշարին:

---