ՀԱՅԱՍՏԱՆԻ ԵՐԻՏԱՍԱՐԴ ԸՄԲԻՇՆԵՐԸ 6 ՄՐՑԱՆԱԿԻ ԱՐԺԱՆԱՑԱՆ ՍՈՖԻԱՅԻ
ՄԻՋԱԶԳԱՅԻՆ ՄՐՑԱՇԱՐԵՐՈՒՄ
13-03-2007 16:02:00 | Հայաստան | Սպորտ
ՍՈՖԻԱ, 13 ՄԱՐՏԻ, ՆՈՅՅԱՆ ՏԱՊԱՆ: Մարտի 12-ին Բուլղարիայի
մայրաքաղաք Սոֆիայում ավարտվեցին հաջորդաբար անցկացված
հունահռոմեական եւ ազատ ոճի ըմբշամարտի երիտասարդական միջազգային
մրցաշարերը: Հայտավորված էին 16 երկրների ավելի քան 220 մարզիկներ:
Հունահռոմեական ոճում Հայաստանը ներկայացնող մարզիկներից 1-ին տեղը
գրավեցին Բաբկեն Կարապետյանը (50 կգ, Էջմիածին) եւ Արթուր
Շահինյանը (84 կգ, Էջմիածնի, Ապագա գյուղ), 3-րդ տեղը` Նորայր
Խաչատրյանը (55 կգ, Երեւան):
Ազատ ոճում 2-րդն էր Գառնիկ Մնացականյանը (55 կգ), իսկ Սամվել
Աղայանը (66 կգ) եւ Գեւորգ Ավշարյանը (74 կգ) 3-րդն էին: 3
ըմբիշներն էլ երեւանցիներ են: