ՀԱՕԿ-Ի ՆԱԽԱԳԱՀԸ «ՀՐԱՆՏ ՇԱՀԻՆՅԱՆ» ՄԵԴԱԼՆԵՐ ՀԱՆՁՆԵՑ ՇԱԽՄԱՏԻ
ՀԱՄԱՇԽԱՐՀԱՅԻՆ ՕԼԻՄՊԻԱԴԱՅԻ ՉԵՄՊԻՈՆՆԵՐԻՆ
27-02-2007 20:00:00 | Հայաստան | Սպորտ
ԵՐԵՎԱՆ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 27-ին տեղի
ունեցավ Հայաստանի ազգային օլիմպիական կոմիտեի (ՀԱՕԿ) գործկոմի
նիստը, որը վարում էր ՀԱՕԿ-ի նախագահ Գագիկ Ծառուկյանը:
Թուրինի համաշխարհային օլիմպիադայում գերազանց ելույթներ
ունենալու համար ՀԱՕԿ-ի նախագահը «Հրանտ Շահինյան» մեդալով
պարգեւատրեց ՀՀ շախմատի ազգային հավաքականի անդամներ Լեւոն
Արոնյանին, Վլադիմիր Հակոբյանին, Գաբրիել Սարգսյանին, Կարեն
Ասրյանին, Սմբատ Լպուտյանին, Արտաշես Մինասյանին, մարզիչներ Արշակ
Պետրոսյանին եւ Տիգրան Նալբանդյանին:
Նիստում հաստատվեց «Պեկին-2008»-ի օլիմպիական խաղերին
նախապատրաստվող հավաքական թիմերի աշխատանքները համադասող շտաբի
կազմը, որում ընդգրկված են 22 մարդ: «Պեկին-2008» օլիմպիական
խաղերին Հայաստանի մարզական պատվիրակության ղեկավար հաստատվեց
ՀԱՕԿ-ի նախագահի տեղակալ Դերենիկ Գաբրիելյանը: