ԼՎՈՎ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 25-ից Լվովում Ուկրաինայի հավաքականի հետ համատեղ ուսումնամարզական հավաք են անցկացնում Հայաստանի հրաձիգները: ՀՀ ազգային հավաքականի անդամներ Նորայր Բախտամյանը, Ռոմիկ Բարդումյանը, Անդրանիկ Փիլոսյանը եւ Ռոբերտ Ոսկանյանը նախապատրաստվում են մարտի 11-17-ին Ֆրանսիայի Դովիլ քաղաքում կայանալիք Եվրոպայի առաջնությանը: Մարզումները ղեկավարում է հավաքականի գլխավոր մարզիչ Սեյրան Նիկողոսյանը:

---