ԵՐԵՎԱՆ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Իսպանիայի Մորելիա քաղաքում շախմատի գերմրցաշարի 3-րդ փուլում Լեւոն Արոնյանը փետրվարի 21-ին սեւ խաղաքարերով կմրցի Պետեր Լեկոյի (Հունգարիա) հետ: Փետրվարի 20-ին մրցաշարում խաղադադար է: Հիշեցնենք, որ փետրվարի 19-ին Լ.Արոնյանը երրորդ ոչ-ոքի-ն խաղաց, այս անգամ Ալեքսանդր Մորոզեւիչի (Ռուսաստան) հետ: Արոնյանը 1,5 միավորով 4 մասնակիցների հետ բաժանում է 3-6-րդ տեղերը: 2-ական միավորով առաջատարներն են Վիշվանաթան Անանդը (Հնդկաստան) եւ Վասիլի Իվանչուկը (Ուկրաինա):

---