«ԱԷՐՈՖԼՈՏ ՕՓԵՆ»-ՈՒՄ ՀԱՅԱՍՏԱՆԻ ՇԱԽՄԱՏԻՍՏՆԵՐԸ ԱՌԱՋԱՏԱՐՆԵՐԻ
ԽՄԲԵՐՈՒՄ ԵՆ
19-02-2007 17:40:00 | Հայաստան | Սպորտ
ԵՐԵՎԱՆ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 18-ին
Մոսկվայում շախմատի «Աէրոֆլոտ օփեն» միջազգային խոշոր մրցաշարում
անցկացվեցին հերթական փուլերի հանդիպումները: A1 խմբում 5
հնարավորից 3,5-ական միավորով մի մեծ խումբ շախմատիստների հետ
5-19-րդ տեղերում են ընթանում Հայաստանի ներկայացուցիչներ Վլադիմիր
Հակոբյանը, Արտաշես Մինասյանը եւ Գաբրիել Սարգսյանը: A2 խմբում
5-3,5-ական միավորով 11-27-րդ տեղում են Դավիթ Պետրոսյանը, Արման
Փաշիկյանը եւ Ավետիք Գրիգորյանը: B խմբում խաղացվել է 6 փուլ:
Դավիթ Քալաշյանը 5 միավորով 4 շախմատիստների հետ բաժանում է 3-6-րդ
տեղերը: 6 փուլ է կայացել C խմբում, ուր Սուրեն Պողոսյանը 5
միավորով 5 շախմատիստների հետ կիսում է աղյուսակի 4-8-րդ
հորիզոնականները: