ՀԱՅԱՍՏԱՆԻ ԵՎ ԲԵԼԱՌՈՒՍԻ ԼՈՂՈՐԴՆԵՐԸ ՀԱՄԱՏԵՂ ՀԱՎԱՔ ԵՆ
ԱՆՑԿԱՑՆՈՒՄ ԾԱՂԿԱՁՈՐՈՒՄ
15-02-2007 20:50:00 | Հայաստան | Սպորտ
ԾԱՂԿԱՁՈՐ, 15 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 14-ին
Ծաղկաձորի օլիմպիական մարզահանգրվանում իր ուսումնամարզական հավաքն
է սկսել Հայաստանի լողի ազգային հավաքականը: Հայ լողորդները
համատեղ մարզվում են Ծաղկաձոր ժամանած Բելառուսի հավաքականի
անդչամների հետ:
Հայաստանի հավաքականի գլխավոր մարզիչ, մարզաձեւի հանրապետական
ֆեդերացիայի նախագահ Իգոր Սաֆարյանը «ՆՈՅՅԱՆ ՏԱՊԱՆ»-ի թղթակցին
հայտնեց, որ 20 օր հետո հավաքը կշարունակվի Երեւանում: Իսկ մարտի
17-25-ին լողի միջազգային ֆեդերացիայի միջոցներով 1-շաբաթյա հավաք
կկազմակերպվի Ավստրալիայի Մելբուռն քաղաքում, ուր մարտի 26-ին
կմեկնարկի աշխարհի առաջնությունը: Հայաստանից առաջնությանը
կմասնակցեն 4 լողորդներ: