ԵՐԵՎԱՆ, 14 ՓԵՏՐՎԱՐԻ, ՆՈՅՅԱՆ ՏԱՊԱՆ: Երեւանի օլիմպիական հավաքականների կենտրոնում փետրվարի 14-ին ուսումնամարզական հավաք սկսեցին Հայաստանի ազատ եւ հունահռոմեական ոճի ըմբշամարտի ազգային հավաքականները: Մարզումներում ընդգրկված են 14 ազատ եւ 24 հունահռոմեական ոճի ըմբիշներ: Նրանք նախապատրաստվում են Տաշքենդում եւ Կիեւում անցկացվելիք միջազգային մրցաշարերին, որոնց կհաջորդի ապրիլին Սոֆիայում մեկնարկելիք Եվրոպայի առաջնությունը:

---