Վաչե եւ Թամար Մանուկյանները 11 մլն. դոլար են նվիրաբերել
ՀԲԸՄ-ի Փասադենայի կենտրոնին եւ միջնակարգ դպրոցին
09-11-2009 16:25:00 | ԱՄՆ | Հասարակություն
ՓԱՍԱԴԵՆԱ, 9 ՆՈՅԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Լոնդոնահայ բարերարներ Վաչե եւ Թամար Մանուկյանները 11 մլն. ԱՄՆ
դոլար են նվիրաբերել Հայ բարեգործական ընդհանուր միության (ՀԲԸՄ)
Հարավային Կալիֆոռնիայի Փասադենայի կենտրոնին եւ միջնակարգ
դպրոցին: Բարերարներին պատվելու նպատակով կազմակերպվել է հատուկ
տոնախմբություն:
Ինչպես տեղեկացնում է www.mirrorspectator.com կայքը, ՀԲԸՄ
Փասադենայի կենտրոնը եւ Փասադենայի միջնակարգ դպրոցը կկրեն
Վաչե եւ Թամար Մանուկյանների անունները:
ՀԲԸՄ-ի Փասադենայի միջնակարգ դպրոցը գործում է արդեն 3 տարի
եւ ունի շուրջ 120 աշակերտ: