Լիբանանում կազմակերպվել է Գ.Հարպոյան վարժարանի աշակերտների
ցուցահանդես
26-05-2009 18:15:00 | Լիբանան | Մշակույթ
ԶԱԼՔԱ, 26 ՄԱՅԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Մայիսի 23-ին
Զալքայի Հայ կաթողիկե Ս. Խաչ եկեղեցու «Պետողլյան» սրահում տեղի է
ունեցել Հայ կաթողիկե Գ. Հարպոյան վարժարանի աշակերտների
գարնանային անդրանիկ ցուցահանդեսի հանդիսավոր բացումը, որին ներկա
էին կրթական պատասխանատուներ, ծնողներ, ուսուցիչներ եւ
արվեստասերներ:
Ներկաներին ողջունելուց հետո Հայ կաթողիկե Գ. Հարպոյան
վարժարանի տնօրեն Ռիտա Բոյաջյանը նշել է, որ ներկա ցուցահանդեսը
հնարավոր է դարձել ուսումնական տարվա սկզբում բացված
գեղանկարչության եւ քանդակի խմբակների երեքամսյա աշխատանքի
շնորհիվ:
Հետո տարիքային երեք խմբերի աշակերտներին մրցանակներ են
շնորհվել: Առաջին տեղը զբաղեցնող աշակետները ստացել են դրամական
պարգեւներ, իսկ երկրորդ եւ երրորդ տեղերը գրավողներին որպես նվեր
հանձնվել են զանազան գրենական պիտույքներ:
5-17 տարեկան աշակերտների պատկերած բնանկարները ցուցահանդեսին
գարնանային գույների գեղեցիկ ներդաշնակություն են հաղորդել: