Եվրոպայի առաջնության արծաթե մեդալակիր Ցոլակ Անանիկյանը
նոկաուտով հաղթեց իր ավստրալացի հակառակորդին
14-05-2009 18:36:00 | Չեխիա | Սպորտ
ՈՒՍՏԻ ՆԱԴ ԼԱԲԵՄ, 14 ՄԱՅԻՍԻ, ՆՈՅՅԱՆ ՏԱՊԱՆ: Չեխական Ուստի Նադ
Լաբեմ քաղաքում շարունակվում է բռնցքամարտի միջազգային մրցաշարը,
որին մասնակցում է նաեւ Հայաստանի հավաքականը: Մայիսի 13-ին իրենց
մենամարտերը տանուլ տվեցին Դերենիկ Գիժլարյանը (54 կգ), Արա
Պուլուզյանը (60 կգ) եւ Սամվել Մաթեւոսյանը (69 կգ):
Գերազանց հանդես եկավ Եվրոպայի առաջնության արծաթե մեդալակիր
Ցոլակ Անանիկյանը (91 կգ), ով նոկաուտով հաղթեց իր ավստրալացի
հակառակորդին:
Ըստ Հայաստանի Բռնցքամարտի ֆեդերացիայի մամուլի կենտրոնի
հաղորդագրության, մայիսի 14-ին ռինգ են դուրս գալու Ազատ
Հովհաննիսյանը (57 կգ), Հրաչիկ Ջավախյանը (64 կգ) եւ Անդրանիկ
Հակոբյանը (75 կգ): Իսկ մասյիսի 15-ին պայքարի մեջ կմտնի նաեւ
Եվրոպայի չեմպիոն, 48 կգ քաշային Հովհաննես Դանիելյանը, ով այս
անգամ հանդես կգա 51 կգ քաշային կարգում, քանի որ այս մրցաշարում
իր քաշում մրցակից չկա: