ԵՐԵՎԱՆ, 29 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 28-ին Նալչիկում
ավարտվող շախմատի միջազգային մրցաշարի նախավերջին` 12-րդ փուլում
Լեւոն Արոնյանը սեւերով ոչ-ոքի խաղաց Գատա Կամսկու (ԱՄՆ) հետ:
Սպիտակներով ոչ-ոքի խաղաց նաեւ Վլադիմիր Հակոբյանը Բորիս Գելֆանդի
(Իսրայել) հետ: Լ.Արոնյանն ու Պետեր Լեկոն (Հունգարիա) 7,5-ական
միավորով բաժանում են 1-2-րդ տեղերը: 3-5-րդ տեղերն են կիսում
Վլադիմիր Հակոբյանը, Ալեքսանդր Գրիշչուկը (Ռուսաստան) եւ Պավել
Էլյանովը (Ուկրաինա)` 6,5-ական միավորով: Վերջին փուլում միմյանց
հետ մրցում են առաջատարներ Արոնյանն ու Լեկոն, իսկ Հակոբյանի
մրցակիցը Էլյանովն է:
Արտյոմ Բաղդասարյանը 3-րդ տեղը գրավեց Սանկտ Պետերբուրգի
միջազգային մրցաշարում
Սանկտ Պետերբուրգում անցկացվեց ձյուդոյի միջազգային
երիտասարդական մրցաշար: Հայաստանի 6 պատվիրակներից միայն Արտյոմ
Բաղդասարյանը (73կգ, Գյումրի) գրավեց 3-րդ տեղը:
Հայաստանի բասկետբոլի առաջնությձունում հայտավորված են միայն
Երեւանի եւ Գյումրիի թիմերը
Ապրիլի 20-ին մեկնարկել է Հայաստանի բասկետբոլի
առաջնությունը: Մասնակցում են տղամարդկանց եւ կանանց 6-ական թիմեր,
որոնք ներկայացնում են միայն Երեւան եւ Գյումրի քաղաքները:
Հանդիպումներն անցկացվում են փոխայցելությունների մրցակարգով: Աչքի
ընկած մարզիկ-մարզուհիները կմասնակցեն համահայկական խաղերի ծրագրով
Երեւանում օգոստոսի 9-17-ը անցկացվելիք բասկետբոլի մրցաշարին: