ԵՐԵՎԱՆ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Հունվարի
27-ին Վարշավայում ավարտվեց Եվրոպայի գեղասահքի առաջնությունը:
Ինչպես «ՆՈՅՅԱՆ ՏԱՊԱՆ»-ի թղթակցին տեղեկացրեց Հայաստանի գեղասահքի
ֆեդերացիայի նախագահ Սամվել Խաչատրյանը, Հայաստանը ներկայացրած
Անաստասիա Գրեբյոնկինա-Վազգեն Ազրոյան պարային զույքը 27
մասնակիցների մրցավեճում գրավեց 14-րդ տեղը, ինչին գուցեեւ նհաստեց
այն հանգամանքը, որ վերջին` ազատ ծրագրում 7-րդ տեղում ընթացող
Հունգարիայի երկյակը հանդես չեկավ:
Ս.Խաչատրայնի բնորոշմամբ, Հայաստանի զույգը առաջընթաց չի
ապրում: 2005թ-ին Եվրոպայի առաջնությունում նրանք 11-րդն էին,
2006թ-ին` 14-րդը, այս տարի նույնպես 14-րդը: Նշանակում է նրանք
լուրջ չեն վերաբերվում մարզումներին: Սամվել Խաչատրյանը նաեւ ասաց,
որ այս խնդրով նա մտահոգված է եւ առաջիկայում հարցը քննարկման
առարկա կդառնա: