ԵՐԵՎԱՆ, 24 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 23-ին Հայաստանի կանանց շախմատի բարձրագույն խմբի առաջնությունում տեղի ունեցան 8-րդ փուլի հանդիպումները: 6-ական միավորով 1-2-րդ տեղերը բաժանում են Սիրանուշ Անդրիասյանը (Էջմիածին) եւ Լիանա Աղաբեկյանը (Վանաձոր): Նրանցից 0,5 միավորով պակաս է վաստակել Նելլի Աղինյանը (Երեւան): Հունվարի 24-ին անցկացվում առաջնության վերջին փուլը: Տղամարդկանց մրցաշարում հունվարի 23-ին հանգստի օր էր հայտարարված:

---