2006 Թ.-ԻՆ ՍՅՈՒՆԻՔՈՒՄ ԱՃԵԼ Է ԾԱՆՐ ՀԱՆՑԱԳՈՐԾՈՒԹՅՈՒՆՆԵՐԻ ԹԻՎԸ
18-01-2007 17:08:00 | Հայաստան | Հասարակություն
ԿԱՊԱՆ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: Նախորդ տարվա 414-ի դիմաց
2006թ.-ին Սյունիքի մարզում արձանագրվել է 369 հանցագործության
դեպք, որոնց 31,2%-ը կազմել են ծանր հանցագործությունները, 34%-ը`
առանձանպես ծանր հանցագործություններին:
Ծանր հանցագործությունների թիվը անցած տարի 22,2%-ով աճել է
եւ կազմել 101` 2005թ.-ին գրանցված 84-ի դիմաց: Առանձանպես ծանր
հանցագործությունների թիվը աճել է նախորդ տարվա 3-ի դիմաց
2006թ.-ին կազմել է 11 դեպք:
Հաշվետու տարում մարզում արձանագրվել է սպանության 5 դեպք,
ինչը 3-ով գարազանցում է 2005թ.-ի ցուցանիշը: Սպանության 3 դեպքը
բացահայտվել է, 1-ը չի բացահայտվել, իսկ 1-ը գտնվում է
նախաքննության փուլում:
2005թ.-ի համեմատ անցած տարի Սյունիքի մարզում 13,7%-ով
նվազել է սեփականության դեմ ուղղված հանցագործությունների թիվը`
108-ից հասնելով 95-ի: