ՀՈՒՆՎԱՐԻ 1-ԻՑ ՆԱԽԱՏԵՍՎՈՒՄ Է 250 ԴՐԱՄՈՎ ԲԱՐՁՐԱՑՆԵԼ
ՀԱՇՄԱՆԴԱՄՆԵՐԻ ՀԻՄՆԱԿԱՆ ԿԵՆՍԱԹՈՇԱԿԻ ՉԱՓԸ
20-12-2006 16:04:00 | Հայաստան | Հասարակություն
ԵՐԵՎԱՆ, 20 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: 2007թ.-ի հունվարի 1-ից
նախատեսվում է հաշմանդամների հիմնական կենսաթոշակի չափը բարձրացնել
250 դրամով: Այս մասին «ՆՈՅՅԱՆ ՏԱՊԱՆ»-ի թղթակցին հայտնեց ՀՀ
Աշխատանքի եւ սոցիալական հարցերի նախարարության Հաշմանդամների եւ
տարեցների հիմնահարցերի վարչության Հաշմանդամների հիմնահարցերի
բաժնի պետ Կարմեն Պետրոսյանը: Նա նշեց, որ հաշմանդամների հիմնական
կենսաթոշակի չափը ներկայումս 4250 դրամ է (մոտ 10,5 ԱՄՆ դոլար):
Առաջին խմբի հաշմանդամները կենսաթոշակ են ստանում հիմնական
կենսաթոշակի 140%-ի չափով (5850 դրամ), երկրորդ խմբինը` 120%-ի,
իսկ երրորդ խմբինը` 100%-ի չափով: