ԵՐԵՎԱՆՈՒՄ ԿԱՆՑԿԱՑՎԻ ԷԴՎԱՐԴ ԱՐԻՍՏԱԿԵՍՅԱՆԻ ՄԻՋԱԶԳԱՅԻՆ ԱՌԱՋԻՆ
ՀՈՒՇԱՄՐՑԱՇԱՐԸ
05-12-2006 15:22:00 | Հայաստան | Սպորտ
ԵՐԵՎԱՆ, 5 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 7-11-ը
Երեւանի «Դինամո» մարզադահլիճում կանցկացվի բռնցքամարտի միջազգային
մրցաշար: Այն նվիրված է ԽՍՀՄ բազմակի չեմպիոն եւ մրցանակակիր,
Համաշխարհային ունիվերսիադայի ոսկե մեդալակիր, ԽՍՀՄ սպորտի
վաստակավոր վարպետ եւ վաստակավոր մարզիչ, բռնցքամարտի օլիմպիական
խաղերի հայաստանցի միակ չեմպիոն Վլադիմիր Ենգիբարյանի անձնական
մարզիչ Էդվարդ Արիստակեսյանի հիշատակին: Տանտերերից բացի
միջազգային հուշամրցաշարին կմասնակցեն Ռուսաստանի, Վրաստանի եւ
Չեխիայի կաշվե ձեռնոցի վարպետները: