ԵՐԵՎԱՆ, 22 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանի մանուկներ հիմնադրամը «Համայնքային առողջապահական կրթություն» (ՀԱԿ) ծրագրի շրջանակներում վերջերս համայնքային առողջապահական կրթության դասընթացներ է անցկացրել Արմավիրի մարզի Քարակերտ, Արգինա, Խենիկ, Լեռնագոգ, Դալարիկ եւ Մյասնիկյան գյուղերում: Ինչպես է նշված է «ՆՈՅՅԱՆ ՏԱՊԱՆ»-ին հիմնադրամից տրամադրած հաղորդագրությունում, տասնօրյա վերապատրաստման դասընթացները վերաբերել են առաջին բուժօգնություն, առողջ ապրելակերպ, երեխայի խնամք, հիգիենա եւ պատվաստումներ, նախածննդյան խնամք, կրծքագեղձի եւ արգանդի վզիկի քաղցկեղի կանխարգելում եւ այլ թեմաների: ՀԱԿ ծրագրի շրջանակներում նշված գյուղերում կազմակերպվել են նաեւ մի շարք ուսուցողական միջոցառումներ նախադպրոցական եւ դպրոցական հաստատություններ հաճախող երեխաների համար:

---