ԵՐԵՎԱՆ, 9 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 9-ին եզրագիծը հատեց Հայաստանի ֆուտբոլի բարձրագույն խմբի առաջնությունը: Վերջին` 28-րդ, փուլում գրանցվեցին հետեւյալ արդյունքները. «Շիրակ» - «Փյունիկ»` 1:2, «Արարատ» - «Միկա»` 0:1, «Գանձասար» - «Կիլիկիա»` 2:0, «Ուլիս» - «Բանանց»` 0:7: Հայաստանի չեմպիոնի կոչումը ժամկետից շուտ նվաճել էր «Փյունիկը»: 2-րդ տեղը զբաղեցրեց «Բանանցը», իսկ 3-րդը` «Միկան»: Առաջնության լավագույն ռմբարկու ճանաչվեց «Բանանցի» խաղացող Արամ Հակոբյանը (25 գնդակ):

---