ՀԱՍՏԱՏՎԵԼ ԵՆ ՀՀ ԳԱԱ-Ի ԵՎՍ 7 ԳԻՏԱՀԵՏԱԶՈՏԱԿԱՆ
ԿԱԶՄԱԿԵՐՊՈՒԹՅՈՒՆՆԵՐԻ ՏՆՕՐԵՆՆԵՐԻ ԹԵԿՆԱԾՈՒԹՅՈՒՆՆԵՐԸ
08-11-2006 16:26:00 | Հայաստան | Հասարակություն
ԵՐԵՎԱՆ, 8 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Գիտությունների
ազգային ակադեմիայի նախագահության նոյեմբերի 7-ի եւ 8-ի նիստերում
հաստատվլ են 7 ՊՈԱԿ գիտահետազոտական կազմակերպությունների
տնօրենների թեկնածությունները:
Նոյեմբերի 7-ին ՀՀ ԳԱԱ-ի Ինֆորմատիկայի եւ ավտոմատացման
պրոբլեմների ինստիտուտի տնօրենի պաշտոնում հաստատվել է Վլադիմիր
Սահակյանը, Մաթեմատիկայի ինստիտուտի տնօրենի պաշտոնումՆ Բագրատ
Բադիկյանը:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԳԱԱ-ի Լրատվական
ծառայությունից, Մեխանիկայի ինստիտուտի տնօրենի թափուր տեղի համար
առաջադրվել էին 3 թեկանածուներ: Ինստիտուտի գիտական խորհրդի կողմից
առաջադրվել էր Վահրամ Հակոբյանը, ակադեմիկոս Սերգեյ Համբարձումյանը
առաջադրել էր Կարեն Ղազարյանին, իսկ ակադեմիկոս Լենսեր Աղալովյանը`
Ավետիք Սահակյանի թեկնածությունը: Ընտրությունն անցկացվել է երկու
փուլով եւ Մեխանիկայի ինստիտուտի տնօրենի պաշտոնում հաստատվել է
Վահրամ Հակոբյանը:
Նոյեմբերի 8-ին ՀՀ ԳԱԱ նախագահության նիստում Տնտեսագիտության
ինստիտուտի տնօրենի պաշտոնում հաստատվել է Վլադիմիր
Հարությունյանը, Ընդհանուր եւ անօրգանական քիմիայի ինստիտուտի
տնօրենի պաշտոնում` Նիկոլայ Կնյազյանը, Կենսաքիմիայի ինստիտուտի
տնօրենի պաշտոնում` Գեւորգ Գեւորգյանը:
Ֆիզիոլոգիայի ինստիտուտի տնօրենի թափուր տեղի համար
առաջադրվել էին 2 թեկանածուներ: Ինստիտուտի գիտական աշխատակազմի
կողմից առաջադրվել էր Քնարիկ Ղազարյանը, իսկ Բնական գիտությունների
բաժանմունքի բյուրոյի կողմից` Վաղինակ Սարգսյանը: Փակ գաղտնի
քվեարկությամբ տնօրենի պաշտոնում հաստատվել է Քնարիկ Ղազարյանը: