ՏՀՏ ԶԱՐԳԱՑՄԱՆ ՄԱԿԱՐԴԱԿՈՎ ՀԱՅԱՍՏԱՆԸ 115 ԵՐԿՐՆԵՐԻ ՄԵՋ ԳՐԱՎՈՒՄ
Է 86-ՐԴ ՏԵՂԸ
02-11-2006 13:47:00 | Ադրբեջան | Միջազգային
ԲԱՔՈՒ, 2 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Դավոսի ֆորումի կողմից
իրականացված համաշխարհային տնտեսության վերլուծությունից հետո
հրապարակվել է հաշվետվություն տեղեկատվա-հաղորդակցական
տեխնոլոգիաների ոլորտում 2005-2006 թթ. շահույթ ստանալու 115
երկրների պատրաստության մասին: Ինչպես հաղորդում է Ադրբեջանի կապի
եւ տեղեկատվական տեխնոլոգիաների նախարարության մամլո
ծառայությունը, գլոբալ տեղեկատվական տեխնոլոգիաների վերաբերյալ
հաշվետվության ռեյտինգում Ադրբեջանը զբաղեցրել է 73-րդ տեղը: ԱՊՀ
երկրների մեջ Ադրբեջանը զիջում է սոսկ Ղազախստանին (60-րդ տեղը) եւ
Ռուսաստանին (72-րդ տեղը): Ինչ վերաբերում է Համագործակցության
մնացած պետություններին, ապա Ուկրաինան գրավել է 76-րդ տեղը,
Հայաստանը` 86-րդ, Մոլդովան` 94-րդ, Վրաստանը` 96-րդ: Վարկանշային
ցուցակում առաջին տեղը գրավում է ԱՄՆ-ը, երկրորդը` Սինգապուրը,
երրորդը` Դանիան: Նշենք, որ 2004 թ. ռեյտինգում Ադրբեջանը չի
ընդգրկվել ընդհանրապես: