ՕՐՀԱՆ ՓԱՄՈՒՔԸ ՀՐԱՎԻՐՎԱԾ Է ԵԼՈՒՅԹ ՈՒՆԵՆԱԼՈՒ
ԵՎՐԱԽՈՐՀՐԴԱՐԱՆՈՒՄ ՀԱՅՈՑ ՑԵՂԱՍՊԱՆՈՒԹՅԱՆ ՎԵՐԱԲԵՐՅԱԼ
26-10-2006 14:10:00 | Թուրքիա | Միջազգային
ԱՆԿԱՐԱ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Թուրք գրող Օրհան
Փամուքը, որ վերջերս արժանացավ գրականության Նոբելյան մրցանակի,
հրավիրվում է ելույթ ունենալու Եվրախորհրդարանում հայոց
ցեղասպանության վերաբերյալ: Ինչպես Անկարայից հաղորդում է «Թրենդի»
թղթակիցը, Եվրախորհրդարանում Օ.Փամուքին ուղղված նման
առաջարկությամբ հանդես է եկել Եվրախորհրդարանի իտալացի պատգամավոր
Մարիո Ռգեցիոն, որը հայտնի է իր հայանպաստ հայացքներով: Օ.Փամուքն
ինքն ավելի վաղ Թուրքիայում քննադատության է ենթարկվել հայկական
կոտորածներում երկրի մեղքը ճանաչող հայտարարությունների համար: