ԹԲԻԼԻՍԻ, 25 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վրաստանն այլեւս չի
անցնի ձմեռային ժամանակի: Նման որոշում Վրաստանի նախագահը եւ
խորհրդարանը ընդունել են դեռեւս անցած աշնանը: Վրաստանի նախագահի
«Վրաստանի տարածքում գործող ժամանակի հաշվարկման մասին» թիվ 839
հրամանագիրը ստորագրվել է 2005 թվականի հոկտեմբերի 20-ին: Ըստ
Վրաստանի կառավարության ներկայացուցիչների, դա թույլ է տալիս
նվազեցնել էլեկտրաէներգիայի սպառման ծավալները, դրանից բացի,
ամառային ժամանակը ամենից շատ է համապատասխանում մեր երկրի
բնակչության կենսառիթմերին: Հետեւաբար, Վրաստանը չի փոխում
ժամանակը ոչ ամառայինի եւ ոչ ձմեռայինի,- հաղորդում է
«Կավկազպրեսը»: